كشف النجم تامر حسني عن رأيه بشأن دخول ابنته تالية إلى مجال الفن، خلال حديثه في برنامج “ET بالعربي”.
وقال تامر حسني: “تالية بتقوللي دايما بس أنا بفهمها إنه مش عشان أنا بابا، أنا ممكن أعمل ده لو عندك موهبة حقيقية ونفسك بجد، ممكن أساعدك تدوري على أحلامك”.
وتابع: “لو هنتكلم على قلبي أنا مش نفسي تدخل الفن، المجال صعب أوي بطريقة مش عادية، منتقدينه جارحين أوي، عايزة حد اتمرن يتلقى الصدمات والتعليقات الصادمة”.
وأضاف: “قلب البنات بيبقى رقيق، ممكن تسمع كلمة تجرحها وتؤثر في نفسيتها تأثير كبير حرام وهي طفلة. أتمنى من جوا قلبي يبقوا في الرياضة ويحققوا بطولات زي ما بيعملوا، لكن معذورين شايفين باباهم تامر ومامتهم بسمة، غصب عنهم هيحبوا”.
