مازالت الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها..
الانسان والغاب
ومافيش فرق كثير
الأسد أكل الفرخة ..نية
والإنسان أكلها برضه بس …مستوية.
وشوفت أخويا بياكل اللب …
وأخذ القرد منه شوية….
والعصفورة اكلت رزه نيه..
وأكلها الإنسان مستوية…
والخس فى إيدى أنا والبط ..
بناكل فيه وأهى تسلية …..
سكر شاينا وقع منه شوية….
أكله النمل وقاللى هنيآ..
والنحلة عملت على روحها…
وإحنا أكلنا وقلنا عسلنا..
والنونو بيشرب لبنه….
قامت القطة سرقت منه شوية…
وزرافة كبيرة طويلة عريضه…
خطفت جزرة من إيدينا.. بس بحنية..
ثعبان كبير…وفرخة حلوةباضت بيضه..
قبل ما أخذها أسلقها…سرقها وكلها نيه.
فتفوته أكل صغيرة وقعت من إيديا ..
وصرصار كبير خطفها وطار على النملية
وكتير كتير متشابهين…
ومابيفرقش بيننا غير الحنية…..
لأ ماهو برضه الغابة فيها حنية….
والى اللقاء،،
المرة الجاية،،
*قرمشة:
*العلم يعطيك الحق أن تقرأ كل ما تراه عينك ولايقتصر فقط على أن تعلم كل ماقرأته… فالعلم نور للحياه…
*ولاتعطين الرأى ..لمن لايريده ..
فلا ..أنت محمود ..ولا الرأى نافعه.
*خليها على الله …
إسعى وإجتهد وقدرك مستنيك
وحط همومك على الله..
اللى هو ليا وليك….رزقك موجود …
على قد تعبك فى الوجود….
ومحدش يقدر ياخد منك حقك…
اللى هو مقدرهولك …مالك الملوك..
تحياتى،،،
