نقطة من أول السطر تعالوا معي نحلل ونشوف الأبعاد وذي ما قولنا كل إنفجار له موجه إنفجاريه كبيرة بتأثر على المحيط لمركز الإنفجار وشرحنا الكلام ده قبل كده في عدة مقالات وقولنا الخريف العربي أو الربيع العبري أو أي مسمى تحبوه للي حصل في المنطقه هو إنفجار صنعه الصهاينة يعني الدول التي لم يحدث فيها فوضى تأثرت
ماحدث في سوريا الأن هو إنفجار وله تأثير سياسي وإقتصادي ودبلوماسي وربما عسكري, فمن يضمن مجموعه من الإرهابيين رفضوا مواجهة إسرائيل وامريكا وتركيا اللي بيحتلوا ارضهم
طبعا غلق سفارات وقطع علاقات وعلى النقيض سنجد فتح سفارات وإعادة علاقات, يعني خلفات عربيه ودوليه وبين حلفاء وشركاء وطبعا سيكون له تأثير إقتصادي وسياسي دبلوماسي وهذا ما تريده امريكا واسرائيل أذرع الصهاينة
تفاهمات بوتن وترمب سنة 2020 وقّفت الحرب الأهلية في سوريا لكن الدولة السورية فضلت منقسمة لثلاث مناطق بره سيطرتها
1. حكومة الإنقاذ في إدلب
المنطقة ده تحت الاحتلال التركي بتحكمها جبهة النصرة (اللي غيرت اسمها كذا مرة لحد ما بقت جبهة تحرير الشام)
أنقرة جمّعت الإسلاميين هناك بعد فشل مشروعها في سوريا و”حكومة الإنقاذ” ده عملت اقتصاد كبير حتى داخل تركيا
2. الحكومة المؤقتة في حلب
ده بتمثل المعارضة والجيش السوري الحر وبعض الميلشيات كانت في مدينة حلب نفسها لكن دلوقتي متوزعة في شمال وغرب ووسط المحافظة
التمويل الخليجي وقف وبقت تحت رعاية تركيا برضه
3.الإدارة الذاتية لشمال شرق سوريا
منطقة فيها الكرد والمسيحيين السريان والأشوريين وبعض عشائر الجزيرة السورية
ده تحت حماية قوات أجنبية زي أمريكا وألمانيا وفرنسا وبريطانيا وبتسيطر على محافظات زي الحسكة والرقة وأجزاء من دير الزور
أمريكا هي اللي بتحكم المنطقة دي عمليا
دلوقتي كل طرف مسيطر على حتة
تركيا بتحكم مناطق إدلب وحلب
إيران لها نفوذ في الداخل السوري وروسيا في الساحل وإن كانت روسيا زودت نفوذها على حساب إيران قبل مغادرتها
من ناحية تانية في إدلب كان فيه ثورة شعبية ضد جبهة النصرة والغرب حرض الدروز ع النظام في السويداء
أما إسرائيل ففي 2024 بس وسّعت إحتلالها في القنيطرة اللي فيها الجولان وقصفت كل المحافظات السورية تقريباً بجانب قصفها الدوري من 2011
النتيجة؟
سوريا بقت سيرك وكل طرف بيقولك انتصر مع إن الواقع حاجه تانية وكل يغني علي ليله في تقسيم الغنائم لكي الله يا سوريا وحفظ الله مصر وجيشها وشرطتها وشعبها من كل مكروه وسوء
