وجهت الفنانة لقاء الخميسي رسالة مؤثرة إلى جمهورها في أول تعليق لها بعد تصدر أزمة زواج زوجها اللاعب السابق محمد عبد المنصف للتريند مشيرة إلى أن اختبارات الحياة ليست سهلة.
وكتبت لقاء الخميسي عبر خاصية استوري على صفحتها الشخصية على «إنستجرام»: “دائمًا وأبدًا الدنيا بتختبرنا وبتضغط علينا وبتغير حياتنا من حين لآخر وبتلخبطنا”.
وتابعت لقاء الخميسي: “ساعات بيتحقق أحلامنا وساعات بنتوه في الزحمة وبننسى”، مضيفة: “بنقابل ناس نحبهم ونقابل ناس مش بتستطفلنا، وناس بتحاربنا وناس تانية بتطبطب على قلوبنا وناس بتعاندنا وتحاول تكسرنا لأنهم هما نفسهم مكسورين ومش عارفين يصدقوا في نفسهم حتى وهما بيحققوا اللي قرروا إنهم يحققوه وحتى وهما ناجحين”.
واستكملت لقاء الخميسي قائلة: “اختبار الدنيا مش سهل بالعكس دا عايز صبر ونفس طويل علشان في آخر الطريق نعرف إحنا في الدنيا ليه وايه هي مهمتنا الأساسية غير إن إحنا نطور من نفسنا ونتعلم الصبر وما نضايقش أي إنسان حتى لو هو قرر يضايقنا”.
واختتمت لقاء الخميسي حديثها قائلة: “السماحة ليها معنى كبير.. في النهاية، إحنا هنا علشان نحب، نفكر، ونتعلم وفي آخر الطريق هانعرف ايه هي حكمة وجود كل إنسان فينا”.
زواج محمد عبد المنصف
وكان الجمهور قد تفاجىء من إعلان الفنانة ايمان الزيدي خبر انفصالها عن اللاعب السابق محمد عبد المنصف بعد زواج دام 7 سنوات في وسط تساؤلات عن معرفة زوجته الفنانة لقاء الخميسي من عدمه.
