مازالت الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها …..
متحف الشمع بمترو الأنفاق
من محطة رمسيس قطعت تذكرتى فى مترو الأنفاق للوصول إلى حلوان….
…بعيدا عن….. زحام الشوارع…
والطرقات الغير ممهدة فى بعض الأماكن…..والعربات الغير منضبطة فى سيرها..والميكروباصات وما أدراك بالميكروباصات…. والأتوبيسات وعوادمها….والتكاتك وكوارثها..
والموتوسيكلات وفظاعتها…
…والدراجات وعشوائياتها … والتروسيكلات وبجاحتها…والباعة الجائلين وبلطجتهم …وعدم وجود أرصفة نسير عليها…والميكروفونات المزعجة بلا رحمة لكبير ولا مريض
…والمشاجرات الدائمة بين الناس على الطرقات…والمقاهى والكافيتريات التى
تعترض الطرقات ..والمطاعم التى تغلق
الأرصفة بالكراسى والترابيزات……
والسماعات العملاقة لكل محل وكل بائع وكل عربة وكل توكتوك وكل ميكروباص…بحجم ضوضاء كبير….
واذا بالمفاجأة ….بنزولى الى سلم محطة مترو الأنفاق …..وبمجرد دخولى المترو ….صمت رهيب ….
تخيلت لبرهة أنه لا أحد بالمترو…..
وبنظرة سريعة على الزحام الموجود والاعداد الكبيرة داخل العربة …..
إلا أنهم صامتون……دققت النظر ….
فى الوجوه ..والتى تحولت وكأنك فى متحف الشمع…..وإذا بهم جميعا …..
يمسكون …التليفون المحمول فى يديهم وبتركيز عالى كل منهم فى واديه
شعرت فعلا انهم مجسمات فى متحف الشمع…..فالمشهد محير …وصمت رهيب وتركيز عالى……واذا فجاة ..صرخة احدهم……..فقد فاتت محطتة…نظرا لإنشغالة ….وتكرر المشهد عند كل محطة……الكل لم ينزل فى المحطة المخصصة له….فيعود الى التليفون ..مرة اخرى ..ممسكا به وينعزل عن الدنيا…..ويتكرر الأمر…
مفاجأة اخرى تقطع الصمت الرهيب ….سيدة تتحدث مع نفسها فجاة وبصوت عالى…وتبتسم
مرة …وتغضب فى مرة …بداية الامر تخوفت منها كثيرا اعتقدت انها مريضة….والغريب لا احد يتعجب مثلى …ركزت فى وجهها ..لأجد سماعه فى اذنيها تتحدث بها مع طرف اخر على التليفون ولكن المشهد كان سيدة بتكلم نفسها ….برغم تخوفى ابتسمت لهذا المشهد ….وتكرر الامر مع اخريين .الكل بيكلم نفسه ….ثم يعود الهدوء والصمت مرة اخرى…مافيش حد نزل فى محطتة ولا المحطة الى بعدها….
واللى عرفتة ….انهم كلهم حيرجعوا تانى فى نفس المترو …وطول اليوم على كده…..كله تايه ….
……فى متحف الشمع………
*قرمشة:
قالوا… تكنولوجيا….قولنا ماشى…..
قالوا….ليها فوايد…قولنا ماشى…..
قالوا…..ليها مساويئها……..
قولنا ….دى حلاوتها……….
وعشان كده…. فى ايدينا……
…. ياعينى علينا….
تحياتى ومن عندياتى،،،
