مازالت الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها ……
ابنائي الاعزاء
عشان إحنا رياضيين
الفترة اللي فاتت الاورام الخبيثة انتشرت بشكل كبير
الوقاية مهمة جدا …
وان العادات الغذائية السيئة سبب رئيسي في انتشار الأورام
الملاحظات اللي جاية دي مهمة جدا جدا ليكم ولاولادكم ولأهاليكم وكلها طبيعية
يعنى مالهاش اضرار ولا اعراض جانبية ومفيدة ليك وليا …
١- جوع كتير … صوم … الجسم بعد صيام مدة طويلة بياكل الخلايا الوحشة …….
٢- قلل سكرك علي قد ما تقدر … العادة خلتنا ننسي طعم الحاجة وبنشرب وبناكل سكر لأن الخلايا السرطانية بتتغذي علي السكر ٠٠٠
٣- حاولوا علي قد ماتقدروا ما تاكلوش برة نهائيا ..اعملوا اكل برة جوة البيت.. علي قد ماتقدروا.
٤- كلوا فاكهة .. كلوا خضار كتير.. اغسلوهم كويس بالمياه والخل .
٥- إشرب ميه نضيفة معدنية من شركة محترمة او فلتر كويس وتابع صيانته بإستمرار.
٦- حاولوا علي قد ماتقدروا تقللوا استخدام الميكروييف …خلوا اكلكم طازة احسن.
٧- الزيت اللي تقلوا بيه مرة ارموه .. وماتستخدمهوش تاني.. خليكوا كرماء مع اهل بيتكم ونفسكم.
وياريت ماتحطوش البطاطس والطعمية المقلية علي ورق .. هاتوا مناديل أحسن….
٨- لو بتدخن ..بطل دلوقتي .. ولو مش بتدخن احمد ربنا علي النعمة دي وحافظ عليها.
٩- لو بتقدر تجري اجري… لومش بتقدر امشي كتير.. روح جيم العب تمارين في البيت..الحياة حركة.
١٠- نام كويس خالص.. نام كتير .. نام بدري.
١١- متشربش عصير معلب ابدا ..اعملوا عصير فريش اشربوه انتم وأولادكم .
١٢- بلاش مياه غازية ..تخلصوا من العادة دي فورا مش هتستفيدوا حاجة وهتخسروا كتير.
١٣- ماتحطوش الفتلة ولا الكيس بتاعهافي المية السخنة .. فضوها جوة المج وضيفوا عليها المية السخنة.
١٤- اوعوا تشربوا حاجة سخنة في كباية بلاستيك .. البلاستيك بيتفاعل مع الميةالسخنة والنتيجة مش هترضيكم .. الموضوع منتشر جدا في القطار والمواصلات والمؤتمرات.
١٥- إشرب قهوة .. بلاش نسكافية..بلاش كريمر.. انت مش عارف تصنيعه ازاي.
١٦- لو معدتك مفيهاش مشاكل.. إبلع قرصين ثوم كل يوم.. قبل الأكل اوبعده مش فارقة كتير..الثوم من مضادات الأكسدة القوية جدا.
١٧- ماتحطوش المياة في الثلاجة في زجاجات بلاستيك .. حطوها
في زجاج .. ولو مفيش اتأكدوا ان رقم 5 مرسوم علي البلاستيك ..ده اكتر بلاستيك آمن.
١٨- ابعدوا عن اللحوم المصنعة خالص..سوسيس .. برجر .. لانشون .. بسطرمة.. ولحمة مفرومة ..هاتوا لحمة من الجزار وخلوه يفرمها ..انتم مش عارفين ايه اللي مستخبي جوا كل مكسبات الطعم دي.
١٩ – حاولوا ماتاكلوش بعدالمغرب اكلات ثقيلة .. التمثيل الغذائي بيقل بالليل ..كلوا فاكهة .. كلوا زبادي .. كلوا جبنة قريش.
ختاما … احموا نفسكم وعيلتكم .. المرض وحش .. وحش جدا ..
إستمتعوا بالأكل والشرب.. بس كلوا اكل صحي وإشربوا شراب صحي .
الموضوع هام جداً جداً جدا.
الليمونة الدافئة يمكنها انقاذك طول حياتك يستطيع الليمون الحار ان يقتل الخلايا السرطانية!
اقطع الليمونة الى ثلاثة قطع وضعها في كوب ثم أسكب الماء الحار ، فستصبح
(مياه قلوية )اشربوها يومياً وستفيد أي شخص قطعاً ..
الليمون الحار يستطيع اطلاق مادة حلوة مُرَّه مضادة لخلايا السرطان .
*قرمشة:
متناقضات …مصرية…
. هو الضنا غالي و لا لو جالك الطوفان حط ابنك تحت رجليك ؟!!
. هي الجارية لما تطبخ سيدها لازم يكلف و لا الشاطرة هي اللي تغزل برجل حمار ؟!!
. هو ضل راجل و لا ضل حيطة ولا قعدة الخزانة ولا جوازة الندامة ؟!
. هو البعيد عن العين بعيد عن القلب و لا نتقل حبة نزيد محبة ؟!!
