علق محمود حمدي الونش مدافع فريق الزمالك على عودته لصفوف منتخب مصر، بعد انضمامه لمعسكر المنتخب، المشارك في كأس العرب، وتقدم باعتذار لجماهير الزمالك، وأعلن تقبله للعقوبة الموقعة عليه بعد طرده في لقاء دجلة.
وكتب الونش عبر حساباته الرسمية على مواقع التواصل الاجتماعي: “في البداية بحمد ربنا علي عودتي وتمثيل منتخب مصر بعد فتره صعبه جدا في حياتي، والحمد لله رب العالمين بفضل الله ثم الناس اللي بتحبني بجد واللي كانوا دايما في ظهري في الوقت الصعب دا تمثيل منتخب مصر باي شكل من الأشكال شرف كبييير جدا لاي شخص يحمل اسم مصر في مختلف المجالات.
ثانيا..نادي الزمالك وجماهير نادي الزمالك، آخر ماتش كنت سبب كبييير إن الفريق يخرج بنتيجه سلبيه بسبب غلطه أنا لحد دلوقتي مش قادر أسامح نفسي عليها لانها مش من صفاتي الشخصيه اني اوصل للمرحله دي من العصبيه ولكن قدر الله وماشاء فعل .
واختتم قائلاً:” طبعا متقبل العقوبه الكبيره اللي النادي وقعها عليا دي حاجه انا متفهمها جداً، اوعدكم انه خطأ ولم يتقرر، وباذن الله وبدعمكم الدائم اني لم ولن ابخل بنقطه عرق تجاه هذا الكيان الكبير، الاعتذار واجب .. وارجوا السماح شكرا ”
