تحدث الفنان كريم فهمي عن تجربته في مسلسل “220 يوم”، واصفًا إياه بأنه كان مرهقًا نفسيًا، وذلك خلال استضافته في برنامج “كلام نواعم”.
وقال كريم فهمي خلال لقائة في البرنامج: “المسلسل دا عملي كوابيس ولحد النهاردة بصحى من النوم في كوابيس رهيبة لأني قعدت سنتين أو أكتر شغال عليه، تعبني نفسيًا جامد من أول الكتابة لحد ما خلصنا تصوير”.
ورد كريم فهمي على فكرة أن شخصية البطل في مسلسل “220 يوم” أخفت مرضها عن زوجته، معترفًا بأنه في حياته الشخصية قد يخفي بعض الأمور عن زوجته، مضيفاً: “في اللحظة دي مش فاكر إن كان حصل وخبيت عليها لكن أنا ذاكرتي ضعيفة دايما لما بيكون في حاجة بحكيها لمراتي لأنها هي اللي هتشيل المعلومة، على المستوى الشخصي أنا بحب المشاركة، الصراحة مهمة لأن الزوجين بقوا واحد في كل حاجة أنا بحب دايما إن كل الحاجات اللي ممكن تكون بتحصل على مستوى الشغل والحياة اليومية اللي ينفع تتقال بقولها على طول، ودا بالنسبالي لأن كل واحد حياته وظروفه مختلفة، أنا راجل مش بعرف أعمل غير شغلي وهي قايمة بباقي الحاجات”.
وتابع: “المسلسل قصة حب بين أحمد ومريم وأصعب حاجة في صناعة عمل أن الشرير بتاعة العمل أنت مش عارف تمسكه بإيدك لأنه “المرض” هو دا صعوبة المشروع دا بالذات، البطل مرضيش يقول لمراته لأنها كان عندها حلم بقالها 7 سنين نفسها تخلف ولما بقت حامل اكتشف أنه مريض، دي كانت ظروفه قرر ميقولهاش، ربنا يبعد عننا”.
