أثارت الفنانة مي عمر الجدل خلال الساعات الماضية بسبب هجومها على أحد نجوم الوسط الفني كان قد انتقد فرحة نجوم رمضان بتصدر أعمالهم التريند ثم احتفل بتصدر مسلسله الذي يعرض خارج الموسم الرمضاني للتريند معتبرة حديثه تنظير.
وكتبت مي عبر عبر صفحتها الشخصية على فيسبوك رسالة هجوم على زميل الوسط الفني قائلة: «زميل (مش ممثل) وكنت بعتبره صديق طلع في رمضان كتب بوست بيتريق فيه على الناس اللي بتفرح وتشارك إنها ترند رقم واحد، والبوست كان كله بقى: الترند مش هدف الشغلانة وإحنا بنشتغل عشان الفن مش الأرقام… كلام تنظير وفزلكة على أعلى مستوى».
وتابعت: «وأنا ساعتها قلت مش هرد وكنت سايبة الأيام تكشف عشان كنت عارفة إن عنده مسلسل هيتذاع أوف سيزون وأول ما يقرب من أي ترند حتى لو دخل رقم عشرة نص ساعة هيبقى مش مصدق نفسه وهيقعد يشارك ويحتفل كأنه فتح القدس».
وأضافت مي عمر مشيرة إلى صدق توقعها قائلة: «وفعلًا… مكدبش خبر! أول ما مسلسله دخل التريند بقى بيشارك فرحان إنه “رقم واحد”.. الله! هو الترند كان وحش في رمضان وبقى جميل دلوقتي؟» موضحة: «طبعا أنا مش ضد إن أي حد يفرح بنجاحه… بالعكس مبروك والله ومن حقك تفرح وتشارك لإن ده تعبك ومجهودك بس ياريت نبطل المنظر بتاع: “أنا مختلف… أنا فوق الترندات” وبعد كدة أول ما نقرب منها نطير من الفرح وننشر 20 ستوري».
واستكملت حديثها قائلة: «وأنا عارفة إن أي حد يعرفني كويس هيستغرب من كلامي لأني عمري ما رديت على حد بس بجد ليه إحنا شطار جدًا في إننا نحرّم على غيرنا حاجة ولما تيجي في ملعبنا تبقى فجأة أحلى حاجة في الدنيا؟ في الآخر… الترند مش هدف غير لما يبقى معانا!».
واختتمت حديثها قائلة: «كلامي مش موجّه لأي نجوم شاركوا في العمل بالعكس أنا بقدّرهم وباحترمهم علشان ماحدش يفهمني غلط».
توقعات الجمهور
ومع هجوم مي عمر على زميل العمل تساءل الجمهور عن الفنان الذي تقصده الأولى وعن كونه مؤلف أم مخرج كونها حددت أنه ليس ممثلاً ليطرح الجمهور عدد من التوقعات وكان الاسم الأبرز الذي اجتمع عليه غالبية متابعيها وجمهورها الذين علقوا على رسالة هجومها هو المخرج كريم العدل الذي تصدر مسلسله «220 يوم» والذي انتهى عرضه مؤخرا التريند وذلك بعد انتقاداته السابقة لاحتفال النجوم بتصدر أعمالهم للتريند.
