قال الفنان محمد علي رزق إن مشاركته في مسلسل “الاختيار” كانت بمثابة تحقيق حلم فني وإنساني، مؤكدًا أن العمل يُعد ملحمة وطنية حقيقية توثق مرحلة مهمة من تاريخ مصر، وأن مجرد الظهور به يُعد شرفًا لأي فنان.
وأضاف خلال حواره إلى برنامج “الستات ما يعرفوش يكدبوا” المذاع على قناة “CBC”: “أنا لما جالي الدور وافقت على طول، حتى لما قالي إن الدور ضيف شرف قلت مش مشكلة.. لأن دي تجربة ما ينفعش أضيعها، وخصوصًا إن ده مش أول جزء، قبله كان في الاختيار 1 و2، وكنت بتمنى أكون موجود فيهم”.
وأوضح أن ردود الأفعال على مشاركته في المسلسل كانت قوية ومؤثرة، قائلًا: “إحنا كنا في الساحل والنت اتقطع، أختي كانت بتدور على المسلسل في أي حتة.. الكل بيتكلم عن ‘فات الميعاد’، المشهد قلب الدنيا، وأنا بدأت أتفرج عليه حاليًا والحمد لله، نفسي أكمل كل الحلقات”.
وتابع: “أنا فخور إني اشتغلت مع النجم أحمد السقا، ودي مش أول مرة، اشتغلنا قبل كده في (هروب اضطراري) و(من 30 سنة)، وهو إنسان جميل وبني آدم نظيف وبيحتوي اللي حواليه وبيكبر اللي معاه”.
وأكد محمد علي رزق أن التعاون مع المخرج بيتر ميمي يحمل طابعًا خاصًا لديه، موضحًا أنه سبق له العمل معه في الاب الروحي وحرب كرموز وكلبش 3، مضيفًا: “بيتر مش بس مخرج متميز، هو كمان شريك نجاح.. وبالنسبة لي بيتر والسقا من الناس اللي لما بشتغل معاهم بحس بارتياح واندماج، وكان في انسجام كبير بينا في كواليس المشهد اللي اتعرض”.
وختم رزق تصريحه بالتأكيد على أن “الاختيار” لا يوثق فقط لحظات من تاريخ مصر، بل يخلد الفنان في وجدان الناس، لأن الأعمال الصادقة تعيش وتترك بصمة وطنية لا تُنسى.
محمد علي رزق: نجاح «فات الميعاد» فاق التوقعات
وكان الفنان محمد علي رزق قد عبر في تصريح خاص لـ «بوابة أخبار اليوم» عن سعادته بنجاح مسلسل «فات الميعاد» مؤكدا على أن نجاح العمل فاق التوقعات قائلًا: “أحياناً بيكون فيه طاقة إيجابية أثناء التصوير في العموم و ما بينك وما بين زمايلك الناس بتكون حابة بعض ومبسوطة وعايزة تنجح”، مضيفًا: “إحنا كان نفسنا ننجح وكنا متوقعين النجاح وربنا ادانا نجاح أكتر من اللي إحنا متوقعين كمان .. الحمد لله”.
أبطال مسلسل “فات الميعاد”
المسلسل من بطولة أسماء أبو اليزيد وأحمد مجدي ومحمد على رزق وأحمد صفوت ومحمد أبو داوود ومحمود البزاوي وفدوى عابد من تأليف عاطف ناشد وإسلام أدهم وناصرعبد الحميد وإخراج سعد هنداوي.
