كشفت الفنانة حلا شيحة عن رأيها و تجربتها الأخيرة مع الحجاب، عبر فيديو في حسابها الخاص بموقع الفيديوهات ” يوتيوب”.
ونشرت حلا شيحة فيديو تتحدث فيه عن مشوراها مع الحجاب، قائلة : “قبل ما أتحجب في الأول خالص، كانت أختي الصغيرة اتحجبت فترة صغيرة ”
وتابعت حلا شيحة : ” وأنا من أول الناس اللي كنت ضد الحجاب، وشايفة ليه كده، وأنتي بتلبسي الحجاب ليه أنتي مش محتاجاه، وربنا مش عايزك كده ”
واضافت حلا شيحة : ” وأنا كنت أول حد يحارب القصة دي من باب الجهل، وده من اللي كنت بشوفه وبسمعه حواليا، وأن الحجاب ده تشدد “.
واستكملت حلا شيحة : ” في الفترة دي، كنت بتكلم مع ربنا وبدعي لو ان الحجاب فرض يحببني فيه، ويوريني انه فرض، وبدأت اقرا القرآن الكريم، خاصة السور التي تتحدث عن الحجاب مثل سورة النور ” .
حلا شيحة تدشن قناة دينية
وكانت قد فاجئت حلا شيحة جمهورها ومتابعيها بارتدائها الحجاب مرة أخرى، خلال الفترة الماضية، قبل أن تعلن خلال الساعات الماضية عن تدشين قناة دينية عبر حسابها الرسمي بموقع الفيديوها “يوتيوب”.
وكشفت الفنانة حلا شيحة تفاصيل برنامجها الجديد، الذي أطلقت عليه اسم «رحلتي مع القرآن»، وخصصت الفنانة هذا البرنامج للحديث عن تجربتها مع القرآن، وكيف انتشلتها الآيات من الأزمات التي لحقت بها، كما أكدت أنها تفضل دائما الحديث عن الله والتدبر في آياته، ولكن من منطلق التجربة، وليس من منطلق الداعية أو المفسرة.
وقالت حلا شيحة في فيديو لها، عبر قناتها بـ يوتيوب: “أكتر حاجة بحبها، حب ربنا والتدبر والتفكير في آياته، ليه منعملش أول فيديو نتكلم فيه عن القرآن الكريم، وسر ارتباطي بالقرآن وإيه الحاجات اللي خلتني أحب القرآن الكريم، ولما بعدت عن ربنا قدرت أرجع تاني لأن الآيات جوايا، ومفيش حد بيحس بآيات ربنا من جوه وبيبعد، وحتى لو بعد بيبقى عايز يرجع تاني، أنا هتكلم عن رحلتي مع القرآن مش من منطق الداعية أو المفسرة من منطلق التجربة، بعض الآيات أثرت فيا، وربنا هو اللي جميل وهو اللي بيهدينا، إحنا بنطلب الهدايا دايمًا من ربنا ولازم نُحسن الظن في الله”.
