مازالت الكلمة حائرة بين مفهوم لم يقصد ومقصود لم يفهم فإجعل كلمتك بسيطة حتى يفهم مقصدها.
عباس ..عباس..عباس
إنتخبونى ياناس
هو مين عباس ده …معرفوش..
ساكن فين …معرفش..بيشتغل ايه.
معرفش…طيب تبع مين ..برضه معرفش…هو ايه كل اللى عامله ده….
كل ده عشان يدخل المجلس……
وفجاة …عربية كبيرة وميكروفونات
عالية وزفة ضخمة……
عباس ..عباس..عباس انتخبونى ياناس
وفى اخر الزفة شادر كبير مليان ناس ..
دخلت الزفة ونزل منها بدلة فخمة ….
توجهت للمنصة …ومسكت الميكروفون
وبصوت عالى….عباس ..عباس ..عباس
انتخبونى ياناس….فلوس ..واديت لكم
كراتين.. ماحوشتش حاجه عنكم….
بطاطين على الشتا حتكون عندكم…
ومساعدة مش حتتقطع عنكم …..
ايه رايكم….فى حد عمل برنامج زى ده
الكل بصوت عالى ..
عباس..عباس..عباس ..إنتخبوه ياناس
وكمل حديثة…عارفين لو مانجحتش حموت نفسي ….لو منجحتش …
مش حخدمكم ….
لو منجحتش ..حبهدلكم…..لو منجحتش ….مافيش اى خير ليكم …
عباس ..عباس..عباس…انتخبوة ياناس..
أنا حطيت على كل شبر فى الدايرة
إعلان ..ويفط كبيرة…كلفتنى ..
ملايين الجنيهات….الدايرة ومعالمها مش باينه على الحوائط والأسقف والمحلات والأسطح والشوارع
غرقانة يفط أعمل إيه تانى….
عباس..عباس..عباس.. انتخبونى ياناس.
لاحول الله هى دى الندوة ..
هو ده البرنامج..هو ده المرشح…
ياسيدى ماتدقش اهو نموذج وفى نماذج افضل وفى نماذج اقل من كده كمان ..المهم وعى الشارع هل متوفر
الوعى الكامل ..سكت ليه …اكيد مش مطمن للوعى ….مش عارف ….
وفجاة …تانى….
عباس..عباس..عباس…انتخبونى ياناس
تحياتى ومن عندياتى،،،،
*قرمشة:
*عباس ..عباس ..عباس انتخبونى ياناس
*عباس ..عباس ..عباس انتخبونى ياناس
*عباس ..عباس ..عباس انتخبونى ياناس
*عباس ..عباس ..عباس انتخبونى ياناس
معلش اليومين دول مقرمشة. .
الى اللقاء،،،
