طرح الفنان حلمي عبد الباقي أغنيته الجديدة “شربنا”، عبر صفحاته الرسمية على مواقع التواصل الاجتماعي وجميع المنصات الرقمية والغنائية، وحقق نسبة استماع ومشاهدة مرتفعة بعد طرحها بساعات قليلة.
وجاءت أغنية “شربنا” من كلمات صلاح مندي وألحان هاني فاروق وتوزيع بيشوي سمير.
وتقول كلمات الأغنية: شربنا شربنا شربنا حطينا سكر قلبنا، بندوق لقيناه مر دلقناه يغور الحب اللي تاعبنا، تعبنا تعبنا تعبنا من اللي بيستمى حبيبنا، قدمنا السبت وبعده الحد نسى الاتنين وسابنا، دلعين وتلاته دلعنا، طبطنا وقولنا بتاعنا، حب وسقيناه اخلصنا معاه، بس الاخلاص ضيعنا.
وكان حلمي عبد الباقي طرح مؤخرًا أغنية “كفاية جراح” من كلمات زياد حسن وألحان محمد الفخراني وتوزيع رامي المصري، وحققت نجاح كبير بإشادة الجميع وتلقى عليها إشادات كبيرة من جمهوره .
وتقول كلمات الأغنية: أنا قلبي يا دنيا فاض بيه إنتى بتعملي فيه كده ليه، بتجرحى من غير أسباب، رخيلي ياعمر حبالك سيب ولا مليش في الدنيا نصيب، يعني أنا مش معمولى حساب، الله يخليكي كفاية جراح ولا أنا مش مكتوبلي أرتاح”.
كما طرح منذ فترة حلمي عبد الباقي أغنية “عيش وملح” على منصات السوشيال ميديا واليوتيوب، وحققت نجاحا كبيرا، وهى من كلمات أحمد جابر وألحان محمد شحاتة، وتوزيع محمود صبرى، وظهر بها بشكل جديد ومختلف عن أغانيه السابقة.
