تحدث المخرج وليد الحلفاوي عن رؤيته لأعماله الفنية وتقبله للنقد، مشيرًا إلى أن النقد البناء يُسهم في تطوير التجربة الإبداعية، ولا يُمثل أزمة بالنسبة له، كما كشف خلال تصريحات إذاعية عن تفاصيل مسلسله الدرامي الجديد «كتالوج»، موضحًا أسباب اختياره للفنان محمد فراج لتقديم دور البطولة.
وقال وليد الحلفاوي: “أنا بنتقد أعمالي طول الوقت، حتى لو العمل من 6 سنين، وبييجي عليا وقت في المونتاج بقول كفاية ده لازم يقف علشان الشغل يطلع، وأنا الحمد لله ربنا كرمني في أعمال كتير الناس حبتها ولكني مبحبش أشوفها لأني مبشوفهاش كمشاهد وبنتقد نفسي”.
وعن سبب اختيار الفنان محمد فراج لتقديم بطولة مسلسل كتالوج، علق قائلا: الشخصية كان فيها كم من التوتر وفراج يعرف يعمل الحتة دي كويس أوي من غير ما التوتر يكون مزعج للمشاهد، إحنا محظوظين بجيل محمد فراج وتايسون.
وتابع: “كان في ناس كتير أوي في كواليس مسلسل «كتالوج» كانوا بيعيطوا، وتفاجـت أننا بعد تصوير مشهد بعد وفاة الأم العمال كانوا في حالة صمت ومحدش كان عايز يتكلم”.
