هو مين كسب الحرب فعلًا؟ وازاي ممكن حرب تبدأ وتنتهي وكل الأطراف تحتفل بالنصر؟!
أيوه ده حصل فعلًا بجد، مش هزار!
النهاردة من شوية، إيران أعلنت عن احتفال رسمي في ساحة الثورة بمناسبة انتصار الدولة الإيرانية على أعدائها… بس الغريب ان في نفس التوقيت بالظبط، إسرائيل برضو أعلنت عن احتفال نصر تاني… في ميدان رابين في وسط تل أبيب!
طب لما كل الأطراف بيقولوا انهم انتصروا، وحتى أمريكا على لسان ترامب، بتتعامل مع الموقف على إنه انتصار سياسي لأمريكا؛ أومال مين اللي بيكدب، ومين اللي انتصر فعلًا وحقق أهدافه؟
تعالى بقى مع بعض نحلل تطورات الحرب دي وأحداثها من البداية للنهاية، عشان نفهم مع بعض مين اللي انتصر بجد، ومين اللي بيبيع الوهم لشعبه وبيحاول يداري على فشله بصورة انتصار مزيف
شوف يا صديقي… الحرب – أي حرب – عشان يقدر أي طرف يقول انه انتصر فيها، لازم يكون قدر يحقق الأهداف اللي هو دخل بيها الحرب، أو حقق معظمها على الأقل…
طيب… تعالى نشوف كده الدول التلاتة كانوا أهدافهم أيه من الحرب، عشان نقدر نفهم الموضوع بصورة أبسط..
أول حاجة إسرائيل…
الكيان كان داخل الحرب دي، وهو اللي بدأ الإعتداء المباشر على إيران، بهدف مُعلن هو القضاء على البرنامج النووي الإيراني وتصفية كامل العلماء النووين الإيرانيين وإسقاط نظام الخامنئي بالكامل، وتدمير قدرات الدفاع والهجوم الصاروخي لدى الدولة الإيرانية…
طيب… تعالى كده نبص أيه اللي اتحقق من الأهداف دي؟
ولا أي حاجة…
إسرائيل بالفعل هاجمت إيران ودمرت أهداف كتير على الأراضي الإيرانية، وقصف عدد كبير من مواقعها النووية، واغتالت عدد ضخم من العلماء النووين والقادة العسكريين في الحرس الثوري الإيراني، ودمرت منصات صواريخ إيرانية كتيرة جدًا، إلا انها في النهاية محققتش ولا هدف من أهدافها في الحرب!
إيران ما اتأثرتش زي ما الإعلام الإسرائيلي كان بيقول… بل بالعكس!
النظام الإيراني وبرغم إنه كان بيعاني من تدني كبير جدًا في مستوى القبول الشعبي له قبل الحرب، بعد الحرب خرج أقوى بكتير جدًا، وأطياف الشعب كلها اتوحدت ورا القادة، لدرجة ان المعارضة نفسها أعلنت دعمها للنظام دلوقتي…
بالإضافة لده، كل القادة اللي ماتوا تم استبدالهم، والعلماء النووين اللي ماتوا بردو في غيره الحديث بقية في الحرب الإسرائيلية الإيرانية
التي إنتهت ولم تنتهي
