كشف الفنان عمر متولي عن الانتماء الكروي، لخاله الزعيم عادل إمام، خلال تواجدة ببرنامج “في الاستاد” مع الاعلامي محمد عبد الوهاب عبر إذاعة وقناة “نجوم FM”.
وأكد عمر متولي خلال حديثة سرا عن الزعيم عادل إمام قائلأ: “عادل إمام حبيبي كان زملكاوي زمان بالعند وهو ملوش في الكرة، مع الوقت بقى ليه في الكرة ولقى ابنه رامي بيقول أهلي أهلي وهو طفل وهو مش بيعلمه يقول كده”.
واضاف عمر “شوية وحب الأهلي جدا وبقى أهلاوي وبعدين بطل يقول هو أهلاوي ولا زملكاوي عشان محدش يزعل”.
عمر متولي يكشف حقيقة انتماءه الكروي للنادي الاهلي
وأكد عمر متولي أن حبه الكبير لكرة القدم وتشجيعه للنادي الأهلي كان بسبب والده الفنان الراحل مصطفى متولي، قائلا: “أبويا الله يرحمه كان كروي أوي وهو السبب في تشجيعي للكرة، كنت أصحى ألاقيه قاعد يتفرج على الماتش بتاع الأهلي وجنبه التليفون الأرضي وكل همسة في الملعب تحصل كل تعليق يجي ليه عايز يقوله يرفع التليفون ويتكلم يقول “الواد دا شفت شاط الكرة” ويقفل من غير ألو أو سلام ويطلع بيكلم مين؟ عم صلاح السعدني الله يرحمه”.
واوضح عمر متولي: “الاتنين بيتفرجوا على الماتش كده 90 دقيقة، شوية وتليفون أبويا يرن يرد يقول “أه أه” ويقفل أتاري التاني بيقوله الواد دا مينفعش لازم يخرج مش بيقولوا ألو، بدل ما الكلام يقوله للي حواليه بيكلم صلاح السعدني يقوله”.
